Ертең - Біріккен Ұлттар Ұйымы күні
АСТАНА. Қазанның 23-і. ҚазАқпарат - Ертең - Біріккен Ұлттар Ұйымы күні. 1948-інші жылдан бері қазанның 24-і Біріккен Ұлттар Ұйымы күні ретінде мерекеленіп келеді. Бұл күн - Біріккен Ұлттар Ұйымының Жарғысы күшіне енген күн.
1971-інші жылы Бас Ассамблея барлық ұйымға мүше мемлекеттерге бұл күнді мемлекеттік мейрам ретінде атап өтуге ұсыныс жасады.
Ертең сондай-ақ, Бүкіләлемдік бейбітшілік кеңесі мен Қарусыздану жөніндегі БҰҰ Бас Ассамблеясының арнайы сессиясының шешімімен қабылданған Қарусыздану апталығы басталады. Бұл апталық 1978 жылдан бері қазанның 24-і мен 31-і аралығында жыл сайын атап өтіледі.
