Ертең - Фашизм құрбандарын еске алу күні

АСТАНА. Қыркүйектің 11-і. ҚазАқпарат - Ертең - Фашизм құрбандарын еске алу күні. Бұл атаулы күн - қыркүйектің екінші жексенбісінде атап өтіледі.

1962 жылы белгіленген бұл атаулы күннің басты мақсаты - фашизмнің қайта жаңғыртылған идеологиясына ұлтаралық бірлік пен халықтар достастығы идеологиясын қарама-қарсы қою.

Қыркүйек айының таңдалуы бекер емес, өйткені бұл айда Екінші дүниежүзілік соғыспен байланысты екі атаулы күн бар. 1939 жылғы қыркүйектің 1-інде Екінші дүниежүзілік соғыс басталса, 1945 жылғы қыркүйектің 2-інде - соғыс аяқталды.