Ертең ҚР Президенті тұңғыш мемлекеттік сапармен Индонезия Республикасына аттанады
АСТАНА. 11 сәуір. ҚазАқпарат - 12-14 сәуірде ҚР Президенті Нұрсұлтан Назарбаев Индонезия Республикасына тұңғыш мемлекеттік сапары өтеді.
Бұл туралы бүгін ҚР Сыртқы істер министрлігінің ресми өкілі Алтай Әбибуллаев мәлім етті.
Жоғары деңгейдегі Қазақстан-Индонезия ынтымақтастығын дамытуға бағытталған сапар аясында Мемлекет Басшысының Индонезия Президенті Сусило Бамбанг Юдхойономен, Экономика мәселелері бойынша мемлекеттік үйлестірушісімен, Парламент төрағасымен және іскерлік топ өкілдерімен кездесулері жоспарланған.
«Келіссөздер барысында Қазақстан-Индонезия бағыты бойынша екіжақты және көпжақты ынтымақтастықтың ауқымды мәселелері, оның болашағы мен аймақтық және халықаралық тақырыптары талқыланады. Олардың қатарында Қазақстанның ИЫҰ-ға төрағалығының басты басымдықтары бар. Сонымен қатар Елбасының мемлекеттік сапары барысында екі мемлекеттің іскер топтарының қатысуымен бизнес-форум өткізу жоспарланып отыр», - деп атап өтті А. Әбибуллаев.
