Ертең республиканың басым бөлігі жауын-шашынды болады
АСТАНА. 25 қыркүйек. ҚазАқпарат - Қазақстан аумағының басым бөлігінде атмосфералық ағындардың өтуіне байланысты жауын-шашын болады, жел күшейеді, жекелеген аудандарда найзағай жарқылдайды деп күтілуде. Тек республиканың оңтүстік-шығысында жауын-шашынсыз ауа райы сақталады. Бұл туралы «Қазгидрометке» сілтеме жасап, ҚР ТЖМ баспасөз қызметінен хабарлайды.
Ақмола, Павлодар, Қарағанды, Шығыс Қазақстан, Атырау, Батыс Қазақстан облыстарында, күндіз Оңтүстік Қазақстан, Маңғыстау, Ақтөбе облыстарында кей жерлерде жел 15-20 м/с-қа күшейеді. Қостанай облысында түнде кей жерлерде тұман түседі, түнде және таңертең кей жерлерде жел 15-20 м/с-қа күшейеді. Солтүстік Қазақстан облысында кей жерлерде жел 15-20 м/с-қа күшейеді деп күтілуде, түнде және таңертең тұман түседі.
Республиканың оңтүстігінде, оңтүстік-шығысында кей жерлерде және орталығында жоғары өрт қаупі сақталады.
Жақын тәуліктерде республиканың оңтүстігі, оңтүстік-шығысы және шығысының таулы өзендерінде су деңгейінің тұрақсыздығы қадағаланады. Гидрологиялық тәртіпте Қазақстанның қалған сулы нысандарында айтарлықтай өзгерістер күтілмейді.
