Ертең республиканың бірқатар жерлерінде ауа райы суытады деп күтілуде
АСТАНА. 20 қыркүйек. ҚазАқпарат - Қазақстан аумағының басым бөлігінде жоғары қысым ықпалымен жауын-шашынсыз ауа райы сақталады, тек республиканың батысында атмосфералық ағындардың өтуіне байланысты кей жерлерде жаңбыр жауып, жел күшейеді. Бұл туралы Қазгидрометке сілтеме жасап, ҚР ТЖМ хабарлайды.
Республиканың солтүстігі және солтүстік-батысында кей жерлерде тұман түсуі мүмкін.
Жамбыл, Қызылорда, Атырау облыстарында кей жерлерде жел 18-23 м/с-қа күшейеді деп күтілуде, шаң көтеріліп, дауыл тұрады, Қызылорда облысында жел екпіні 25 м/с болады. Оңтүстік Қазақстан, Ақтөбе, күндіз Маңғыстау, Батыс Қазақстан, Қостанай облыстарында кей жерлерде жел 15-20 м/с-қа күшейеді.
Ақмола, Қостанай, Солтүстік Қазақстан облыстарында түнде және таңертең тұман түседі деп күтілуде.
Ақмола, Солтүстік Қазақстан, Павлодар, Қарағанды облыстарында, Алматы, Қостанай, Шығыс Қазақстан облыстарында кей жерлерде түнде 0-5 градус аяз болуы ықтимал.
Республиканың оңтүстігінде, оңтүстік-шығысында кей жерлерде және орталығында жоғары өрт қаупі сақталады.
