Ертіске ШҚО-дағы екі ГЭС-тен жіберілетін көлем артқандықтан су басуы мүмкін - ТЖД
АСТАНА. ҚазаАқпарат - Ертіс өзеніндегі су деңгейінің көтерілуіне байланысты Шығыс Қазақстан облысының кей жерлерінде басуы мүмкін, деп хабарлайды ШҚО ТЖД ресми сайты.
Қазақстан Республикасы Ауыл шаруашылығы министрлігі Су ресурстары комитетінің Су ресурстарын пайдалану реттеу және қорғау жөніндегі Ертіс бассейндік инспекциясының хабарлауынша, Бұқтырма су қоймасына келетін судың артуына байланысты 19-21 маусым аралығында Бұқтырма және Өскемен ГЭС-тері су жіберу көлемін көбейтеді.
Осыған байланысты Шығыс Қазақстан облысындағы Ертіс өзенінде судың арнасынан шығып кетуі және маңайды су басуы мүмкін, деп делінген ТЖД хабарламасында.
