Есек етін саудалаған кәсіпкер сотталатын болды
БІШКЕК. ҚазАқпарат - Талайдың ашу-ызасын тудырған атышулы қырғыз кәсіпкері есек етін дайындап, үлкен көлемде саудалағаны үшін сот алдында жауап беретін болды, деп хабарлайды ҚазАқпарат ХАА тілшісі.
Оған заңсыз кәсіпкерлікпен айналысты деген айып тағылып отыр.
««Кай-Тал» жауапкершілігі шектеулі қоғамдастығының (ЖШҚ) директоры Алмаз Тақырбашевқа қарсы наурыз айында заңсыз кәсіпкерлікпен айналысу фактісі бойынша қылмыстық іс қозғалған болатын. 17 сәуір күні зерттеу аяқталды. Қазіргі таңда іс сотқа жолданды», делінген экономикалық қылмысқа қарсы мемлекеттік қызметтің баспасөз қызметі жолдаған мәлімдемеде.
