Есілде қайықпен жүзу маусымы аяқталды

АСТАНА. ҚазАқпарат - Астанада Есіл өзенімен навигация маусымы аяқталды. Бұл туралы қала әкімдігінің сайты хабарлады.

«Есіл-Астана» ҚКҚК ақпараты бойынша, жазғы маусымда кәсіпорын 20 мыңға жуық жолаушыға қызмет көрсеткен. Бұл ретте 5 жолаушы теплоходы қатынады. 

Бұдан бөлек, жалпы сомасы 2 млн 977 мың теңгеге теплоходтар жалға берілді. 

Өзенмен серуендеу маусымын 2017 жылғы мамырдың ортасында бастау жоспарланып отыр.