ЕСКЕРТУ: 24 наурыз күні еліміздің басым бөлігінде қатты жел соғып, жауын-шашын түседі
АСТАНА. ҚазАқпарат - 24 наурызда Астанада күндіз жауын жауып, оңтүстік-батыстан соққан желдің жылдамдығы секундына 25 метрге дейін жетеді, деп хабарлайды ҚР ІІМ ТЖК баспасөз қызметі.
Дәл осы күні Қызылорда, Жамбыл, Алматы және Оңтүстік Қазақстан облыстарында жаңбыр жауып, батыс және оңтүстік-батыстан соққан желдің жылдамдығы кейде секундына 15-20, кейде 25 метрге дейін жетеді.
Сондай-ақ, 24 наурызда Ақмола, Солтүстік Қазақстан, Павлодар, Қарағанды, Шығыс Қазақстан облыстарында да жауын жауып, желдің ұйытқуы секундына 23-28 метрге дейін жетеді деп күтілуде.
Оңтүстік Қазақстан және Алматы облыстарының таулы аймақтарында 21-22 наурызда қар көшкіні жүруі мүмкін.
