ЕСКЕРТУ: Алматы мен Шығыс Қазақстан облыстарының таулы аумақтарында қар көшкіні болуы мүмкін
АЛМАТЫ. ҚазАқпарат - Таулы аудандарда жауын-шашынның жиілеп кетуі және қар жамылғысының тұрақсыздығына байланысты Алматы мен Шығыс Қазақстан облыстарының таулы аумақтарында 12-14 сәуір аралығында қар көшкіні болуы мүмкін. Бұл туралы бүгін Алматы қаласының Төтенше жағдайлар жөніндегі департаментінің баспасөз қызметінен хабарлады.
«Таулы аудандарда жауын-шашынның жиілеп кетуі және қар жамылғысының тұрақсыздығына байланысты Алматы мен Шығыс Қазақстан облыстарының таулы аумақтарында 2016 жылдың 12-14-ші сәуірі аралығында қар көшкіні болуы ықтимал. Сондықтан, қар басқан тау бөктерлеріне шығудан бас тартқан жөн. Тау жолдарында абай болыңыздар!», - делінген хабарламада.
Айта кетелік, Алматы қаласының Төтенше жағдайлар жөніндегі департаменті бұл ескертуді «Қазгидромет» мемлекеттік кәсіпорнының бүгінгі жасаған дауылдық ескертуі негізінде жасады.
