Ескерту: Астанада екі күн бойы боран соғады
АСТАНА. 15 қаңтар. ҚазАқпарат - 15-16 қаңтарда елордада боран болады, оңтүстік-батыстан соққан желдің жылдамдығы 15-20 м/с жетеді деп күтілуде. Соған байланысты метеорологтар ескерту жариялады, деп хабарлайды аstana.kz «Қазгидромет» РМК мәлімдемесіне сілтеме жасап.
Синоптиктердің болжамынша, алдағы күндері аяз болмайды. 15 қаңтарда, сәрсенбі күні Астанада күн бұлтты, күндіз қар жауады, боран болады, түнде тұман тұрады. Оңтүстік-батыстан 9-14 м/с жылдамдықпен жел соғады, күндіз екпіні 15-20 м/с жетеді. Түнде ауа температурасы -5;-7°C, күндіз 0;-2°C. «16 қаңтарда, бейсенбі күні елордада күн бұлтты, қар жауады, боран болады. Оңтүстік-батыстан 9-14 м/с жылдамдықпен жел соғады, екпіні 15-20 м/с жетеді. Түнде ауа температурасы -4;-6°C, күндіз 0;-2°C болады»,- деп болжайды синоптиктер. 17 қаңтарда елордада көшпелі бұлт шығады, түнде қар жауады. Батыстан 9-14 м/с жылдамдықпен жел соғады, түнде екпіні 15-18 м/с жетеді. Ауа температурасы түнде -11-13°C, күндіз -6-8°C болады.
