Ескерту жасаған дәмхана қонағын пышақтаған астаналық сотталды

АСТАНА. ҚазАқпарат - Астанада ер адам ескерту жасаған дәмхана қонағын кеңсе пышағымен жарақаттаған, деп хабарлайды ҚазАқпарат елорда сотының баспасөз қызметіне сілтеме жасап.

Қылмыстық іс материалдарына қарағанда, А. есімді азамат С.-ға ескерту жасап, дәмханадан шығып кетуін талап еткен. Ашуға булыққан С. үйінен кеңсе пышағын алып келіп, ескерту жасаған келушіге шабуыл жасаған. Салдарынан А. жеңіл жарақат алды.

Қылмыстық істі Алматы ауданының №2 соты қарады. С. ҚР Қылмыстық кодексінің 293-бабы, 2 бөлігінің 3-тармағы (бұзақылық) бойынша айыпты деп танылды және 3 жылға бас бостандығынан айырылды.

Үкім әзірге заңдық күшіне енген жоқ.