Ескі үйді бұзған жұмысшылар қап толы қазына тауып алды

АСТАНА. 10 қазан. ҚазАқпарат - Якутскіде кезінде көпес Афанасий Мигалкиндікі болған ескі үйдің шатырын бұзған жұмыскерлер  1,5 келі күміс монеталар салынған қапшықтың үстінен шықты.

 Қапшықта XIX ғасырдың ортасы - ХХ ғасырдың басына жатқызылатын барлығы 54 рубльдік монеталар мен 120-ға жуық елу тиындықтар болды. Олардың барлығы жоғары сынамалы күмістен жасалған. Жұмыскерлер бұл қазынаны үйдің шатырын бұзған кезде тауып алған.