ЕурАзЭҚ елдерінің Дағдарысқа қарсы қоры - 10 миллиард доллар
Бұл соманың 7,5 миллиардын Ресей қосады. Қор 2009 жылдың қыркүйек айынан бастап жұмыс істей бастайды. Бұл мәселе РФ Федерация Кеңесі сейсенбі күні бекіткен «2009 жылға арналған федералдық бюджет пен 2010 және 2011 жылдардағы жоспарлы кезеңдерге арналған бюджеттер туралы» федералды заңға өзгертулер енгізу туралы» заң жобасында қарастырылып отыр, деп хабарлайды ҚазАқпарат тілшісі.
Заң жобасымен сондай-ақ, 20 құпия хаттамаға түзету және мемлекеттік несиелер беру бағдарламасына өзгертулер енгізіліп отыр. Бұл мәселені Молдованың үкіметі мен президенті көтерген болатын. Ресей Федерациясына жасалған үндеуде Молдоваға мемлекеттік несие беру туралы өтініш айтылған еді.
Бұдан бұрын хабарлағандай, ЕурАзЭҚ елдерінің үкімет басшылары Арменияның қатысумен 2009 жылы маусымның 9-ында Дағдарысқа қарсы қор құру туралы шартқа қол қойған болатын. Қор қаражаты қатысушы мемлекеттерге егемен займдар мен тұрақтандырушы несиелер ретінде берілетін болады, сондай-ақ мемлекетаралық инвестициялық жобаларды қаржыландыруға арналады.