«Еуразия» кинофестивалінің мен үшін маңызы ерекше - «Ынтызарлық» фильмінің режиссері
АЛМАТЫ. 18 қыркүйек. ҚазАқпарат - Мен әрдайым өзімді толғандырған тақырыпты ғана таңдап алам. Бұл туралы Алматыдағы ІХ «Еуразия» кинофестивалінің халықаралық байқауында бақ сынап жатқан Қырғызстанның «Ынтызарлық» фильмінің режиссері Темір Биназаров бүгін баспасөз мәслихатында мәлімдеді.
«Еуразия» кинофестивалінің мен үшін маңызы ерекше. Өйткені ең алғашқы мәртебелі жүлдемді 2008 жылы осында алдым. Онда режиссерге кәсіби тұрғыдан баға беріліп, мойындалады», - дейді Т.Биназаров. Оның айтуынша, «Ынтызарлық» фильмнің сценариімен 3-4 жыл жұмыс жасаған көрінеді. Түсірім алдында актёрді тез тапқанымен, актрисаны ұзақ іздепті. Оған 1,5-2 жыл уақыт кеткен көрінеді.
Жалпы «Еуразия» кинофестивалінің халықаралық байқауына биыл 12 фильм қатысуда. Оның ішінде Қазақстан, Тәжікстан, Грузия, Иран, Ресей, Италия, Германия, Франция, Түркия, Сингапур және Сауд Арабиясы мен Германия бірлесіп түсірген туындылар бар.
