«Еуразиялық сауда жүйесі» тауар биржасында астық өнімдері сатылды
АЛМАТЫ. Қазанның 6-сы. ҚазАқпарат /Ербол Азанбек/ - Кеше «Еуразиялық сауда жүйесі» тауар биржасында 3 сыныпты астық өнімдерінің фьючерстік келісім негізіндегі кезекті сатылымы өтті,
деп хабарлайды ҚазАқпарат «Еуразиялық сауда жүйесі» тауар биржасына сілтеме жасап.
Күндізгі сессия қорытындысы бойынша 1 фьючерстік келісім жасалған. Қараша айында орындалуы тиіс бұл келісім бойынша астықтың тоннасының жалпы бағасы 18 550 теңгені құраған. Күндізгі сессияның айналымы 4 келісім-шартқа негізделген 1,2 миллион теңгені құраған. Соның үшеуі бойынша келісім-шарт жасалған жоқ.
