ЕУРО-2016: Италия құрамасы Испанияны жеңіп, ширек финалға шықты

АСТАНА. ҚазАқпарат - Еуропа чемпионатының 1/8 финалында Италия құрамасы Испания футболшыларын 2:0 есебімен жеңіп, ширек финалға жолдама алды.

Кездесу Сен-Денидегі "Стад де Франс" стадионында өтті.

Ойынның 33 минутында Джорджо Кьеллини есеп ашса, 90 минутта Грациано Пелле жауапсыз екінші голды қарсылас қақпасына салды.

Ширек финалда италиялықтар неміс футболшыларына қарсы өнер көрсетеді.

Еуропа чемпионаты 10 шілде күні аяқталады.