ЕУРО-2016: Ширек финалда ойнайтын барлық командалар анықталды

АСТАНА. ҚазАқпарат - Санаулы сәттер бұрын футболдан Еуропа чемпионатының 1/8 финалдық кезеңіндегі соңғы матч - Англия мен Исландия құрамаларының кездесуі аяқталды.

Тартысты өткен ойында Исландиялықтар 2:1 есебімен жеңіске жетті. Осылайша ширек финалда өнер көрсететін барлық 8 команда анықталды. Олардың арасында Уэльс құрамасы - алғаш рет бұл кезеңге дейін жетіп отыр.

Ширек финал кестесі:

30 маусым: Польша - Португалия

1 шілде: Уэльс - Бельгия

2 шілде: Германия - Италия

3 шілде: Франция - Исландия

Айта кетейік, аталған 8 команданың ішінде Италия, Франция және Германия құрамалары бұған дейін Еуропа чемпионатының жеңімпазы атанған.