Еуро-2024: Қазақстан мен Солтүстік Ирландия арасындағы іріктеу ойыны қашан өтеді
БЕЛФАСТ. ҚазАқпарат - 19 маусымнан 20 маусымға қараған түні Белфастта футболдан 2024 жылғы Еуропа чемпионатының іріктеу турнирі аясында Солтүстік Ирландия мен Қазақстан құрамалары арасында матч өтеді, деп хабарлайды ҚазАқпарат Sports.kz сайтына сілтеме жасап.
Солтүстік Ирландия - Қазақстан матчының тікелей трансляциясын Qazsport телеарнасынан көруге болады. Басталуы Астана уақыты бойынша сағат 00:35-те.
Еуро-2024 іріктеу кезеңінде үш ойын өткізген Қазақстан құрамасының қоржынында алты ұпай бар. Магомед Адиевтің шәкірттері турнирдегі ойынын сәтсіз бастады: Словениядан ұтылды (1:2). Бірақ кейін сенсация жасап, Дания құрамасын (3:2), Сан-Марино командасын (3:0) жеңді.
Солтүстік Ирландия құрамасына келсек, олар үш ойыннан кейін үш ұпай жинады: солтүстік ирландиялықтар да Сан-Мариноны жеңді (2:0). Бірақ Финляндия (0:1) мен Даниядан (0:1) ұтылды.
