Еуро аймағындағы жұмыссыздық деңгейі рекордтық көрсеткішке жетті
АСТАНА. 1 қараша. ҚазАқпарат - Айналымда еуро валютасы жүретін аймақта (17 ел) 2012 жылдың қыркүйегінде жұмыссыздық деңгейі өткен аймен салыстырғанда 0,1 пайызға өсіп, 11,6%-ды құрады. Eurostat статистикалық агенттігінің деректері бойынша бұл осы аймақ үшін жаңа рекорд болып табылады, деп хабарлады РБК.
Еуропалық одаққа мүше 27 мемлекетті есепке алса, қыркүйектегі жұмыссыздық деңгейі өзгерген жоқ - 10,6% деңгейде қалып отыр.
Еуроаймақтағы жұмыссыздық деңгейінің ең төменгі көрсеткіші Австрияда (4,4%), Люксембургте (5,2%), Германия мен Нидерландыда (5,4%), ал ең жоғары көрсеткіштер - Испания (25,8%) мен Грекияда (25,1%) тіркеліп отыр.
