Еуро-нің екі күнінде Киев жанкүйерлері 30 мың литр сыра ішіп қойды
АСТАНА. 11 маусым. ҚазАқпарат - Еуро-2012-нің алғашқы екі күнінде Киевтің жанкүйерлерге арналған алаңдарында ресми емес есептеулер бойынша, 60-тан 100 мыңға дейін жанкүйер болды.
Бұл туралы «Украина-2012» Ақпараттық орталығынан хабарланды.
Қала жанкүйерлердің негізгі легін Украина ұлттық құрамасының алғашқы матчы өтетін - 11 маусымда күтеді.
Фан-аймақтың алғашқы рекорды турнир ашылған - 8 маусым күні орнатылды. Ұйымдастырушылардың айтуынша, Ресей-Чехия матчы кезінде фан-аймақта 30 мың жанкүйер болды.
Фан-аймақ жұмыс істеген екі күннің ішінде 30 мың литр сыра, 10 мың хот-дог пен 3 мың балмұздақ сатылды.
