Еуродепутаттар Аустрия мен Франция мектептеріндегі атыс құрбандарын еске алды

АСТАНА. KAZINFORM — Еуропарламенттің Страсбургтегі (Франция) көшпелі сессиясының бірінші күні Еуропарламент депутаттары Аустрия мен Францияда жақында мектеп қабырғасында болған кісі өлтіру құрбандарын еске алды, деп хабарлайды Kazinform меншікті тілшісі. 

Еуропарламент төрайымы Роберта Метсола сейсенбі, 10 маусымда Францияның Ножан қаласында мектеп оқушысы мұғалімнің көмекшісін пышақтап өлтірген және Аустрияның Грац қаласында бұрынғы оқушы тоғыз студент пен мұғалімді атып өлтіріп, тағы көп адамды жарақаттаған жан түршігерлік оқиғаларға қатты қайғырғанын білдірді. 

— Зорлық-зомбылық пен өшпенділікке Еуропада және біздің мектептерде орын жоқ, — деді ол.

Ол «мектептер қорқыныш үшін емес, оқу мен өсу үшін қауіпсіз кеңістік болып қалуы керек» деп қосты.

Президент Роберта Метсола Франция мен Аустрия мектептерінде қаза тапқандарды еске алу үшін үнсіздік минутын жариялады.

Содан кейін еуродепутаттар 16-19 маусым аралығында Страсбургте пленарлық отырысты ашып, Шенген аймағының құрылғанына 40 жыл толуын атап өтті.