Еурокомиссия төрағасы кабинетінің басшысы ақысыз демалысқа шықты

АҚШ. KAZINFORM – Еурокомиссиядағы ықпалды шенеуніктердің бірі, президент Урсула фон дер Ляйен кабинетінің басшысы, неміс саясаткері Бьорн Зайберт уақытша қызметінен кетпек.

Б.Зайберт Еуропарламент сайлауы кезінде У.Ляйеннің сайлауалды науқанының жетекшісі ретінде қызмет атқарады.

«Министрлер кабинетінің басшысы 8 сәуірден 9 маусымда өтетін еуропалық сайлау аяқталғанға дейін қызметінен босатылды», - делінген Еурокомиссия мәлімдемесінде.

Бұл мәлімдемені сайлауда негізгі кандидат ретінде У.Ляйенді таңдаған Еуропа халықтық партиясы да растады. Егер Еуропалық партия сайлауда жеңіске жетсе, ол келесі бес жылдық мерзімге Еурокомиссия төрағасы лауазымына үміткер болады. Ең көп орын алған партия атқарушы билік басшысы лауазымына өз кандидатын ұсынуға құқылы.

«Б.Зайберт 10 маусымда кабинет басшысы қызметін қайта бастайды деп жоспарланып отыр», - делінген Еурокомиссия мәлімдемесінде.

Естеріңізге сала кетейік, ақпан айында Урсула фон дер Ляйен ЕК президенті лауазымына қайта түсуге ниетті екенін мәлімдеген болатын.