Еуроодақ Ауғанстанға 500 млн. еуро мөлшерінде қаржылай көмек бөледі

БРЮССЕЛЬ. Қаңтардың 27-сі. ҚазАқпарат /Ержан Оспанов/ – Ертең Прагада Еуроодақ «үштігінің» Ауғанстан сыртқы істер министрі Рангин Дадфар Спантпен кездесуі болады,

деп хабарлайды ҚазАқпарат тілшісі.Кездесу барысында тараптар демократиялық қайта құруларға, осы жылға белгіленіп отырған президенттік және парламенттік сайлаулардың даярлықтарына қатысты міндеттерді Ауғанстанның орындау барысы талқыланатын болады. Сонымен қатар, алдағы кездесуде сыртқы байланыстар бойынша еурокомиссар Бенита Ферреро-Вальднер Еуроодақтың Ауғанстанға 500 млн. еуро мөлшерінде қаржылай көмек бөлетінін жариялайды.