Еуроодақтың төрт елі 500 шақырымнан асатын зымырандарды жасауға келісті

АСТАНА. KAZINFORM – Германия, Италия, Польша және Франция 500 шақырымнан асатын жерден ұшырылатын зымырандарды бірлесіп жасау туралы келісімге келді. Бұл туралы АЗЕРТАДЖ ақпарат агенттігі жазды. 

Құжатқа АҚШ астанасында өтіп жатқан НАТО саммиті аясында 4 елдің қорғаныс министрлері қол қойды.

Келісімнің мақсаты – еуропалық арсеналдардағы олқылықтың орнын толтыру.

Германияның Frankfurter Allgemeine Zeitung (FAZ) газеті келісімде даму ниеті қарастырылғанын және аталған елдер қорғаныс саласындағы ынтымақтастықтың егжей-тегжейлері туралы әлі де келісе алмағанын жазады. Ал, ФАЗ мәліметінше, 1 мың шақырымнан асатын (ядролық емес) кешенді дамыту жоспарланып отыр.