Еуропа елдерінің басшылары «Еуро-2012»-ге байкот жарияламақ

Еуропа одағы сыртқы істер министрлерінің кезекті отырысы барысында осы ұстанымды Бельгияның сыртқы істер ведомствосының басшысы Дидье Рейндерс де құптады. «Меніңше, ол чемпионатқа саясаткерлер қатыспауы тиіс. Біз Бельгияда нақты шешім қабылдадық - саяси байкот қажет», - деді ол. Өз сөзінде Бельгия министрі тек саяси байкотты ғана жариялау қажеттігін жеткізді. «Бұл жерде спорттық байкот мүлдем орынсыз», - дейді Д.Рейндерс. Әзірше, Еуроодақ елдерінің бірде біреуі де «Еуро-2012» чемпионатынан бас тартқан жоқ.
Айта кеткен жөн, бұған дейін Еуропалық комиссияның төрағасы Жозе Мануэл Баррозу «Еуро-2012»-ге бармайтындығын жария еткен болатын. Осы арқылы ол түрмеге түскен Украинаның экс-премьері Юлия Тимошенкоға қатысты қолданған шараларға өз қарсылығын білдіріп отыр. Германияның канцлері Ангела Меркель де Украинадағы «диктатура мен репрессияларды» сынға алып, саяси байкот жариялады.