Еуропа лигасына іріктеу сынында «Шахтер» мен «Астана» армениялық командалармен ойнайды
АСТАНА. ҚазАқпарат - Еуропа лигасына іріктеу сынының бірінші кезеңінде армениялық Гюмри қаласының командасы «Ширак» қарағандылық «Шахтердың» қарсыласы атанса, «Астана» командасы Ереванның «Пюник» клубына қарсы ойнайтын болды.
Бірінші кезең ойындары Гюмриде 3 шілдеде және 10 шілдеде Қарағандыда өтеді.
«Уикипедия» деректері бойынша, «Ширақ» футбол клубы 1958 жылы құрылған. Армениядағы ең ертеден келе атқан клубтардың бірі, сондай-ақ Армения Республикасы Премьер-лигасының барлық чемпионаттарына қатысқан жалғыз команда болып табылады.
Ал, «Пюник» - 1966 жылы құрылған Ереван қаласының футбол клубы. Орыс тіліне аударғандағы атауы «Феникс» (мифологиялық құс).
Армениядағы атақты клуб болып табылады. Арменияның 10 дүркін чемпионы, Армения кубогын 6 мәрте иеленген, Армения Суперкубогын 7 рет жеңіп алған.
