Еуропа Лигасында елордалық «Астана» футбол клубы «Ботев» құрамасымен кездеседі
АСТАНА. 26 маусым. ҚазАқпарат - Еуропа Лигасында елордалық «Астана» футбол клубының қарсыласы Плодив қаласының «Ботев» құрамасы болмақ.
Бұл туралы Vesti.kz жазады.
Атап өтілгендей, Болгарияның футбол одағы УЕФА-ға банкротқа ұшыраған ЦСКА клубын «Ботевке» ауыстыру туралы ресми хат жолдаған және көптеген келіссөздерден кейін еуропалық футбол қауымдастығы одағынан мақұлдау алған.
Енді Еуропа Лигасы іріктеу кезеңінің «Астана» - «Ботев» арасындағы алғашқы ойыны 4 шілде күні елімізде өтсе, қарымта кездесу 11 шілдеде Болгарияда ұйымдастырылмақ. Дәл осы күндері павлодарлық «Ертіс» болгариялық «Левскимен», «Ақтөбе» құрамасы армениялық ЦСКА-мен күш сынасады.
