Еуропалық сот жұмысқа хиджаб киюге тыйым салды

АСТАНА. ҚазАқпарат - Еуропалық Одақтың ең жоғарғы сот инстанциясы - Еуропалық сот жұмысқа «кез келген саяси, философиялық немесе діни үлгідегі» киімдерді, соның ішінде хиджаб киюге тыйым салды. Бұл туралы «Би-Би-Си»  хабарлады.

Шешімде көрсетілгендей, бұл тыйым халықаралық компаниялардың ережесіне сәйкес болуы керек.

Осындай шешімнің шығуына Бельгиядағы G4S компаниясының қызметкерін хиджабсыз жұмыс жасаудан бас тартқаны үшін жұмыстан босатқаны себеп болған. 

Бельгияның кассациялық соты істі қарау үшін Еуропалық сотқа берген.

Бұл ЕО Жоғарғы сот инстанциясының жұмыс уақытында хиджаб кию мәселесіне қатысты шығарған алғашқы шешімі.