Еуропаның үздік жағажайы таңдалды
АСТАНА. ҚазАқпарат - Уэльстегі Тенсби қойнауындағы шағын жағажай Португалия, Хорватия және Италиядағы бәсекелестерінен алға шығып, Еуропадағы ең әдемі жағажай атанды, деп хабарлады Еuromag.ru.
Оның құрмет шыңына көтерілуіне сапалы суы, табиғат көркі және туристік артықшылықтары көмектесті. Оған келушілер арасында еуропалық таңдаулы ұйымдардың өкілдері бар. Нақ осы жер ең үздік жағажай демалыс орны атанды.
Тенбси Кардиффтен 90 миль жерде. Ортағасырлық дәстүрлерді жалғастырған осы шағын қалашықта үш құмдауыт жағажай бар, олар екі жарым мильге созылып жатыр. Өткен жылы ол үздік курорттардың арасында қола жүлдеге ие болды. Биылғы жылғы рейтингіде екінші орындарға Португалиядағы Прайя да Кова және Хорватияның аралдық жағажайы ие болды.
