Еуростат еуроаймақ ІЖӨ-нің І тоқсанда өсуін бағалауды жақсартты
БРЮССЕЛЬ. ҚазАқпарат - 2016 жылдың І тоқсанында еуроаймақтың 19 елінің ІЖӨ өсімі өткен үш аймен салыстырғанда 0,6 пайызды құрады. Бұған ЕО-ның «Еуростат» статистикалық қызметінің түпкілікті мәліметтері дәлел.
«2016 жылғы бірінші тоқсанда маусымдық құбылуды ескеретін болсақ, еуроаймақтың ІЖӨ 0,6 пайызға артты және тұтастай алғанда, ЕО бойынша өткен тоқсанмен салыстырғанда 0,5 пайызға жетті», - деп атап өтті «Еуростат».
Бұдан бұрын мамыр айында «Еуростат» ағымдағы жылдың І тоқсанындағы еуроаймақ экономикасы 0,5 пайызға өскенін хабарлаған болатын.
Мәліметтері бар Еуродақ елдерінің арасында өткен тоқсанға қарағанда экономиканың ең жоғары өсімі Румынияда (+1,6%), Кипрде (+0,9%), Испанияда, Литвада, Австрияда және Словакияда (+0,8%-дан), Болгария мен Германияда (+0,7%-дан) тіркелді.
ІЖӨ-нің құлдырауы Венгрияда (-0,8%), Грекияда (-0,5%) және Польшада (0,1%), байқалды, сонымен бірге Эстонияда ІЖӨ өзгеріссіз қалды.
