«Еуровидение-2016» байқауының жүргізушілері анықталды
АСТАНА. ҚазАқпарат - "Еуровидение-2015" байқауының жеңімпазы Монс Зелмерлёв 2016 жылы Швецияда өтетін Еуропаның ауқымды ән шоуының жүргізушісі болмақ, деп хабарланған байқау сайтында.
Ал оған сахнадағы әріптесі ретінде белгілі тележүргізуші Петра Меде көмек береді деп күтілуде. Еске салайық, "Еуровидение-2016" байқауына рекордтық елдер саны - 43 ел қатысады. Халықаралық ән байқауының жартылай финалдары 2016 жылы 10 және 12 мамыр күндері, ал финалы - 14 мамырда өтеді.
