Еуровидение-2017 байқауы өтетін қала анықталды
АСТАНА. ҚазАқпарат - Еуровидение-2017 ән байқауы Киевте өтетін болды. Бұл туралы бүгін брифинг барысында УҰТА бас директоры Зураб Аласания хабарлады, деді РБК-Украина тілшісі.
Еуровидение өткізуге өтінімді Киев, Днепр, Одесса, Львов, Харьков және Херсон қалалары берген.
«Дауыс беру кезінде 19 дауыс Киев қаласына, екі дауыс - Одессаға берілді, біреуі қалыс қалды. Солай таңдадық», - деді Аласания. Өткізу орны Днепрдің сол жағалауында орналасқан Киевтегі халықаралық көрме орталығы таңдалды.
