ЕҰУ-дың ректоры «Болашақ» түлектерін жұмысқа шақырды

АСТАНА. Желтоқсанның 5-сі. ҚазАқпарат /Арман Асқаров/ - Бүгін Лев Гумилев атындағы Еуразия ұлттық университетінің ректоры Бақытжан Әбдірайым «Болашақ» бағдарламасының түлектерімен кездесті,

 деп хабарлайды ҚазАқпарат.

Кездесу барысында университет басшысы әрбір түлекпен жеке-жеке танысып, білім алған мамандықтары жайында кеңінен әңгіме-сұхбат құрды. Осыдан кейін Б.Әбдірайым кездесуге келген «Болашақтың» барлық түлектерін университетте жұмыс істеуге шақырды. «Мен осы жерде отырған Сіздерді біздің университетімізде қызмет етуге шақырамын. Еңбектегі жетістіктеріңізге қарап, біз Сіздерді бағалайтын боламыз», - деді Б.Әбдірайым.