Эйнштейннің хаты 3 млн. долларға сатылды

АСТАНА. 19 қазан. ҚазАқпарат - Әлемге аты мәшһүр болған ғалым Альберт Эйнштейннің Құдай мен дін туралы ойларын жазған хаты eBay аукционында 3 100 000 долларға сатылды. Оның сатып алушысы белгісіз болып қалуды қалады, деп хабарлады Утро.ру.

1954 жылдың 3 қаңтарында неміс тілінде жазылған хат АҚШ-ғы Пристон университетінде жұмыс істеген еврейлік философ Эрик Гуткиндке жөнелтілген. Бұл хатта ғалым дінді «еріккендік» санап, еврей халқының өзгешелігіне күмән келтіреді.

Бұл  хат Эйнштейннің ғұмырдан озуына 1 жыл қалғанда жазылған. Құжат 50 жыл бойы жеке коллекцияда сақталып келді.