Фабио Ару - «Вольты Альгарве» қорытындысы бойынша тоғызыншы орында

АСТАНА. ҚазАқпарат - «Sky» командасындағы британиялық спортшы Герайнт Томас Португалияда өткен «Вольта Альгарве» веложарысының жеңімпазы атанды, деп хабарлады Sports.kz.

Екінші орыннан испаниялық Ион Исагирре, Movistar көрінсе, оның отандасы Альберто Контадор, Tinkoff қола жүлдеге ие болды.
Жарыс қорытындысы бойынша «Астана» өкілдерінің ішінде италиялық Фабио Ару жақсы өнер көрсетті. Ол соңғы, бесінші кезеңде мәреге екінші болып жетіп, велокөпкүндікте тоғызыншы орынға табан тіреді.