ФБР: Саддам Хұсейн АҚШ-тан гөрі, Ираннан көбірек қорыққан
ВАШИНГТОН. Шілденің 3-і. ҚазАқпарат - Ирактың бұрынғы диктаторы Саддам Хұсейн, АҚШ-тан гөрі, Ираннан көбірек қорыққан. Бұған Ирактың бұрынғы президентінен алынған жауаптарға қатысты Федералдық тексерулер бюросының құжаттары дәлел,
деп хабарлайды ҚазАқпарат РБК агенттігіне сілтеме жасап.
ФБР материалдарында атап көрсетілгендей, С.Хұсейн Тегранның алдында өз әлсіздігін көрсетпеу үшін, Ирактың жаппай қырып-жоятын қаруға ие екендігіне әлем жұртшылығын сендіріп келген.
Жауап алу кезінде С.Хұсейннің өзі айтқандай, елдегі барлық жаппай қырып-жоятын қару 1998 жылы жойылған екен.
