Фёдор Конюхов әуе шарымен рекордты жаңартуға аттанды
АСТАНА. ҚазАқпарат - Танымал ресейлік саяхатшы Фёдор Конюхов жылу аэростатымен Рыбинскіден кезекті сапарға аттанды. Ол ұшудан әлем рекордын жаңартып, аспанда 51 сағаттан астам уақыт болуды көздеп отыр.
Аспанкездің жоспары бойынша, шар Ростов Великий мен Рязань арқылы ұшады. Ал, екі тәуліктен астам уақыт өткесін Тамбов ауданына қонады. Сондай-ақ, шардың қозғалысы көбінесе жел мен ауа райына байланысты. Егер аэростат Ресейдің шекарасына қарай бағытталса, ұшуды доғаруға тура келеді. Себебі, саяхатшы елдің шекарасынан асуды жоспарлап отырған жоқ.
Ауада қалқудан спорт шебері Иван Меняйло Конюховпен бірге аттанды. Қазіргі рекорд 50 сағат 47 минутты құрайды.
