ФИФА-ның қаңтар айындағы рейтингінде Қазақстан құрамасы 133-ші орынға көтерілді

АЛМАТЫ. Қаңтардың 15-і. ҚазАқпарат /Ерлік Ержанұлы/ - ФИФА-ның қаңтар айының қорытындысы бойынша жасаған рейтингінде Қазақстан құрамасы 3 сатыға жоғарылап, 133-ші орынға көтерілді,

деп хабарлайды ҚазАқпарат Қазақстан футбол федерациясының интернет сайтына сілтеме жасап.Бұл жолы үздік ондыққа Испания, Германия, Нидерланды, Италия, Бразилия, Аргентина, Хорватия, Англия, Ресей және Түркия еніп отыр. Ал 2010-шы жылғы Әлем чемпионатының іріктеу турнирінде «Ғ» тобында бірге сынға түсіп жатқан қарсыластарымыздан тек Андорра құрамасы ғана Қазақстаннан көш кейін қалып 195-ші орынға жайғасқан. Ал Хорватия 7-ші, Англия, 8-ші, Украина 16-шы, Беларус 81-ші сатыда тұр. ФИФА-ның қаңтар айына жасаған рейтингі енді ақпанның 11-інде жарияланады.