Филадельфия Олимпиада-2024 ойындарын өткізуге өтініш бермек

АСТАНА. 23 сәуір. ҚазАқпарат - Филадельфия басшылығы 2024 жылы жазғы Олимпиада ойындарын өткізуге өтініш беру мүмкіндігін қарастыруға кірісті.

Бұл туралы қала мэрі Майкл Наттер мәлімдеп отыр.

Бұған дейін АҚШ-тың Олимпиадалық комитеті ірі спорттық шараны қабылдауға қауқарлы елдің 35 қаласына хат жолдаған-ды. «Филадельфия олимпиаданы өткізу құқығы үшін бақ сынасу ұсынысын құлшыныспен қабылдап отыр. Біз Ұлттық олимпиадалық комитетпен аталмыш жоба аясында бірлесе жұмыс істеуді тағатсыздана күтеміз», - дейді Наттер.

АҚШ-та жазғы Ойындар соңғы рет 1996 жылы Атлантада өткен болатын.