Филиппин президенті Пакьяоға бокстан бас тартуға кеңес берді
АСТАНА. ҚазАқпарат - Филиппин президенті Бениньо Акино өзінің отандасы, атағы жер жарған боксшы Мэнни Пакьяоға мансабын тәмәмдап, отбасы мен саясатқа көңіл бөлуді ұсынды. Сондай-ақ Филиппин басшысы бұл туралы америкалық Флойд Мейвезермен қарымта жұдырықтаспас бұрын ойлану керектігін ашып айтты.
Бұл туралы khabar.kz жазады.
Естеріңізге салайық, Пакьяо мамыр айының басында американдық Флойд Мейвезермен жекпе-жекте жеңіліс тапқан болатын. Сол кездің өзінде-ақ атақты Пакьяо бокстағы мансабының ақыры таяу екенін жеткізген.
«Мен көрген тарихи сәттердің бірінде, Мұхаммед Әлидің дірілдеген қолымен олимпияда алауын жаққаны жаныма қатты батқан еді. Сондықтан да Пакьяоны қарымта жекпе-жекке мәжбүрлемеуіміз керек» , - деді Акино.
