Филиппин сауда орталығында 30-ға жуық адам тұтқынға алынды
САН ХУАН. ҚазАқпарат – Филиппин елінің Сан Хуан қаласындағы Greenhills сауда орталығында атыс болып, келушілер эвакуацияланды. Бұл туралы The Manila Times басылымына сілтеме жасап ҚазАқпарат хабарлайды.
Консалтингілік фирманың мәлімдеуінше, сауда орталығында бұған дейін күзетші болып жұмыс істеген ер адам 27 қызметкерді тұтқынға алған.
Оқиға орнына полиция қызметкерлері, арнайы жасақ, сондай-ақ Сан-Хуан қаласының мэрі Фрэнсис Замора жетті.
