Филиппиндегі АҚШ елшілігінен бомба табылды
АСТАНА. ҚазАқпарат - Бүгін таңертең Филиппин астанасы Маниладағы АҚШ елшілігі ғимаратынан алдын ала топшыланған бомба табылды, деп хабарлайды Синьхуа.
Полиция америкалық елшілік аумағын қоршауға алды. Жарылыс мамандары күдікті затты жою операциясын орындады.
Хабарланғандай, жорамалданған бомба қоқыс контейнерінен табылды. Ол дөңгелек қара түсті зат және оған сым арқылы ұялы телефон жалғанған.
