Филиппиндегі «Хагупит» тайфунынан 2,4 миллион адам жапа шекті
АСТАНА. ҚазАқпарат - Филиппинде "Хагупит" тайфунынан 2,4 миллион адам зардап шекті, деп хабарлады РИА Новости.
Тайфун Филиппиннің орталығымен өткен. Төтенше жағдайларды басқару бойынша Ұлттық кеңестің (NDRRMC) деректерінше, апат салдарынан 9 адам қаза тапты, алайда Халықаралық Қызыл кресттің ұлттық бөлімшесі 27 адам ажал құшқанын хабарлаған. 480 адам жарақаттанды, 900-ден астам үй бұзылды, соның ішінде 420-сы толық қираған.
Табиғат апаты кезінде жауған жауыннан елдің орталығында көшкін мен сел жүрді. Бұл электр энергиясының өшірілуіне әкеп соқты. Теңіз бен әскери көліктің жұмысы бүгінде қалпына келтірілуде.
