Флойд Мейуэзер: Головкин нағыз сынақтан өткен жоқ

АСТАНА. ҚазАқпарат - Американдық Флойд Мейуэзер қазақстандық Геннадий Головкин әзірге нағыз сынақтан өткен жоқ, деген пікір айтты. Оның пікірінше, Головкин Андре Уордпен кездесуі тиіс, деп жазады Sports.kz.

- Мен Геннадий Головкин мен Андре Уордтың сайысын көргім келеді, - деді Мейуэзер. - Бұл ол үшін нағыз сынақ болар еді. Егер ол Уордты жеңсе, мен зор әсер алар едім. Ал әзірге бұл ұрыс болған жоқ - сондықтан ол жөнінде айрықша ештеңе айта алмаймын.