«Фон-Вон» дауылынан бір адам қаза тапты
АСТАНА. ҚазАқпарат - «Фон-Вон» тропикалық дауылы Тайвань аумағына жетті. Тайдун уезінде 50 жастағы әйел суға кетіп қаза тапты. Тағы бір ер адам жарақат алған, деп жазады 24.kz.
Табиғи апат болған өңірге 50 мың әскери жұмылдырылды. Құтқарушылар 1200-ден астам тұрғынды қауіпсіз аймаққа көшірді. Ақпарат агенттіктерінің хабарлауынша, 60-қа жуық рейс кейінге шегерілген. Кеме қозғалысы да уақытша тоқтатылған.
Айта кетейік, дүлей дауыл осыдан 4 күн бұрын Тынық мұхитында пайда болған еді. Филиппинде дауыл ала келген ақ жауыннан Манилла қаласында бірнеше аудан су астында қалып, 5 адам қаза тапты. Екі мың тұрғын өзге аймаққа көшірілген.
