Forbes әлемдегі ең бай адамдарды атады
АСТАНА. ҚазАқпарат - Amazon онлайн-ритейлерінің негізін қалаушысы және басшысы Джефф Безос Forbes басылымы құрған әлемдегі ең бай адамдардың тізімінде көш бастап тұр, деп хабарлайды РИА Новости.
Қазіргі таңда Безостың қазынасында 93,1 млрд АҚШ доллары бар. Ол Microsoft компаниясының негізін қалаушы Билл Гейтстен 3,2 млрд долларға басып озды.
Дәулетті адамдар тізімінде үшінші орынға америкалық инвестор Уоррен Баффет орнықты.
Ал төртінші орында 77,9 млрд АҚШ доллары бар Zara брендінің қожайыны Амансио Ортега тұр. Бестікті Facebook-тің негізін қалаған Марк Цукерберг түйіндеді.
