Ford 1,4 миллион көлігін кері қайтарып алуда

АСТАНА. ҚазАқпарат - Ford компаниясы Солтүстік Америкада сатылған 1,4 миллион көлігін кері қайтаруда. Бұған рульдегі басқаруды күшейту тетігіндегі ақау себеп болған, деп хабарлады 24.kz.

Қара тізімге іліккен көліктердің ішінде 2011-2013 жылдары жасалған Ford Explorer жол талғамайтын көліктері мен 2008-2011 жылдары шығарылған Ford Escape, Mercury Mariner модельдері бар. Сондай-ақ, сарапшылар «көлік жасаушылар General Motors компаниясы өндірісінен шыққан көліктердегі кемшілікті жасырып, оннан астам апатқа себеп болған оқиғадан кейін қауіпсіздік мәселелеріне көңіл бөле бастады», - дейді.