Формула-1-дегі алғашқы автошабандоз әйел өмірден озды
АСТАНА. ҚазАқпарат - Формула-1 бәсекесіне қатысқан алғашқы әйел - итальяндық автошабандоз Мария Тереза де Филиппис 89 жасында қайтыс болды.
Ол 1958 жылы Maserati командасы құрамында үш рет Гран-приге қатысқан еді.
Бірақ бұдан кейін ол жарыс жолына шыққан жоқ.
Мария Тереза де Филиппис бұл шешімге көптеген достары көлік апатынан қаза тапқандықтан барғандығын айтқан.
Кейіннен бұрынғы Формула-1 мүшелері клубының президенті болды.
Фото: fl-portal.ru
