Франция ИМ-нің Сириядағы позицияларына алғаш рет әуеден соққы жасады
АСТАНА. ҚазАқпарат - Елисей сарайы Францияның әскери-әуе күштері «Ислам мемлекеті» тобының Сириядағы позицияларына алғаш рет әуеден соққы жасағанын мәлімдеді.
Бұған дейін франциялық авиация Ирактағы жихадшыларға қарсы халықаралық коалицияның бірлескен іс-қимылдарына қатысқан.
Франция президенті кеңсесінің мәлімдемесінде соққылар өткен екі аптада жасалған барлау ұшуларының барысында белгіленген нысандарға жасалғаны айтылады, деп жазады Би-би-си.
